2025 წლის 1 ივლისის მდგომარეობით, ევრაზიის ერთიანი სატრანსპორტო ქსელის განვითარებაზე მიმართული ინვესტიციების 22 % ცენტრალური აზიის ქვეყნებზე მოდის.
სადღეისოდ ცენტრალურ აზიაში მიმდინარე 90 სატრანსპორტო ინფრასტრუქტურული პროექტი ფიქსირდება, რომელთა ჯამური ღირებულება 53 მილიარდ დოლარს აჭარბებს.
ცენტრალურ აზიაში – სატრანსპორტო სფეროში მთლიანი ინვესტიციის 44 % (23.3 მილიარდი დოლარი) ყაზახეთში განხორციელებულ პროექტებზე მოდის, 22.7 % – ყირგიზეთზე, უზბეკეთზე – 13.7 %, თურქმენეთზე – 10 %, ტაჯიკეთზე – 9.6 %.
ცენტრალური აზიის ქვეყნებში ინვესტიციების 58 % (30.5 მილიარდი დოლარი) მიმართულია საავტომობილო საგზაო ქსელის განვითარებაზე, რაც ადასტურებს რეგიონში საერთაშორისო ტრანსპორტისა და ვაჭრობის განვითარებაში სავტომობილო ტრანსპორტის მნიშვნელოვან როლზე.
ინვესტიციების მეორე მნიშვნელოვანი ნაწილი 34.5 % (18 მილიარდი დოლარი) ცენტრალურ აზიის სარკინიგზო დერეფნების განვითარებაზეა მიმართულია.
ცენტრალურ აზიაში სატრანსპორტო ქსელის განვითარებისკენ მიმართული ძირითადი საინვესტიციო რესურსი – 40 მილიარდი დოლარი ტრანსკასპიური საერთაშორისო სატრანსპორტო მარშრუტის და მისი TRACECA-ს დერეფნის განშტოების განვითარებისკენ მიმართული.
ცენტრალურ აზიაში ინვესტიციების განთავსების მოცულობით მეორე ადგილზე – ჩინეთი – ყაზახეთი – რუსეთის გავლით გამავალი ევრაზიის დერეფანია, რომლის განვითარებაში ინვესტიცია 11.8 მილიარდ დოლარს შეადგენს. შემდეგ მოდის ავღანეთ – თურქმენეთის ლაზურიტის დერეფნი, რომლის განვითარებაში 4.8 მილიარდი დოლარია მიმართული.
ცენტრალური აზიის ტერიტორიაზე გამავალი ჩრდილოეთ – სამხრეთ დერეფნის აღმოსავლეთ განშტოებაზე 3 მილიარდი დოლარია მიმართული.
ცენტრალურ აზიაში სადღეისოდ მიმდინარე რიგი სატრანსპორტო ინფრასტრუქტურული პროექტი შუა დერეფნის უშუალო კონკურენტს წარმოადგენს.
ცენტრალური აზიის ქვეყნებში ევრაზიის სატრანსპორტო ქსელის განვითარებაში ჩადებული მთლიანი ინვესტიციების 58 % – 10 მსხვილ სატრანსპორტო ინფრასტრუქტურულ პროექტზე ნაწილდება.
