საქართველოს რკინიგზაზე გრძელვადიანი დაკვირვების (2003 – 2024 წლები) შედეგად იკვეთება შემდეგი ტენდენციები:
საქართველოს რკინიგზით გადაზიდვების მაქსიმალური მაჩვენებელი 2006 – 2007 – 2008 წლებში ფიქსირდება, პიკი 2007 წელს 22.3 მლნ ტონა. იმავე წელს საქართველოს რკინიგზამ გადაზიდა მაქსიმალური ნავთონის (ნედლი ნავთობი და ნავთოპროდუქტები) მოცულობა 13.5 მლნ ტონა. 2007 წელს დაფიქსირდა მშრალი ტვირთების მაქსიმალური მოცულობა 11.5 მლნ ტონა.
2003 – 2024 წლების გადაზიდვების ანალიზი ნათლად მიუთითებს, რომ რკინიგზა 2003 – 2012 წლებში ძირითადად ორიენტირებული იყო თხევადი ტვირთების გადაზიდვებში, 2012 – 2024 წლებში ეტაპობრივად ხდება თხევადი ტვირთების მშრალი ტვირთებით ჩანაცვლება.
ნავთობნაკადის შემცირების მიზეზი, მისი შემადგენელი ნედლი ნავთობის რკინიგზის სეგმენტიდან მილსადენში გადამისამართება იყო.
2022 წელს საქართველოს რკინიგზაზე, საომარი მოქმედებების შედეგად მშრალი ტვირთების მოცულობა 10.0 მლნ ტონამდე გაიზარდა, მომდევნო წლებში მშრალი ტვირთების მოცულობების ზრდა ვერ შენარჩუნდა და 2024 წელს მშრალი ტვირთები 8.4 მლნ ტონამდე შემცირდა. რაც უპირველეს ყოვლისა მშრალი ტვირთების ადრინდელ დერეფნებში დაბრუნებით არის განპირობებული.
2015 – 2021 წლებში საქართველოს რკინიგზაზე გამოკვეთილად შეინიშნებოდა გადაზიდვების ვარდნის ტენდენცია. საქართველოს რკინიგზაზე მინიმალური გადაზიდვა 2018 წელს დაფიქსირდა და შეადგინა 10.0 მლნ ტონა.
2016 – 2022 წლებში საქართველოს რკინიგზაზე შესამჩნევად მცირდება ნავთობის გადაზიდვის მოცულობები, 2018 – 2020 წლებში რკინიგზამ მინიმალური მოცულობა 3.1 მლნ ტონა გაატარა.
რკინიგზით გადაზიდვების გრძელვადიანი ტრენდის ანალიზი ნათლად მიუთითებს პიკურ გადაზიდვებს (2006 წელი – 22.3 მლნ ტონა) და მინიმალურს (2018 წელი -10.0 მლნ ტონა) შორის შემცირების 55 % იან მაქსიმალურ ამპლიტუდას.
