ევროპულ სივრცესთან სატრანსპორტო კავშირებადობის გაძლიერების ერთ – ერთ მნიშვნელოვან მიმართულებას, საბორნე გადაზიდვების განვითარება წარმოადგენს.
შავ ზღვის აუზის ნავსადგურებს შორის გარკვეული სტაბილურობით, Ro – Ro და Ro – Pax ტიპის, შეზღუდული რაოდენობის 10 მდე რეგულარული საბორნე მარშრუტი ფუნქციონირებს.
შედარებისათვის ბალტიის ზღვის აუზის ნავსადგურებს შორის საბორნე გადაზიდვებისათვის განვითარებული სერვისებია დანერგილი. მაგალითისათვის ბალტიის ზღვის არეალში 70 მდე რეგულარული Ro – Ro და Ro – Pax საბორნე მარშრუტი ფუნქციონირებს.
შავ და ბალტიის ზღვებზე საბორნე გადაზიდვების კავშირებადობის შედარება, ნათლად წარმოაჩენს ამ მიმართულებით შავ ზღვაზე საბორნე გადაზიდვების გაძლიერების შესაძლებლობლობებზე.
რუსეთ – უკრაინის დაპირისპირებამ, საქართველოდან უკრაინის გავლით, ევროპის აღმოსავლეთ და ცენტრალურ ნაწილში წლობით აპრობირებული ტვირთნაკადების გავრცელების ღერძის, კონსტანცის ნავსადგურის მიმართულებით გადანაცვლება გამოიწვია.
რამაც კონსტანცის ნავსადგურის ევროპულ სივრცეში, შუა დერეფნის ბუნებრივ დაბოლოებად და ევროპულ სივრცეში ტვირთნაკადების შემკრებ – გამანაწილებელ საყრდენ სატრანსპორტო ლოგისტიკურ ჰაბად ჩამოყალიბება განაპირობა.
ტვირთნაკადების ღერძის კონსტანცის ნავსადგურის მიმართულებით გადანაცვლებამ, შუა დერეფანს – ცენტრალურ და აღმოსავლეთ ევროპაში ტვირთების გავრცელების არეალის გაფართოების საშუალება მისცა.
კონსტანცის ნავსადგურით – შუა დერეფანს ავსტრიის, ბულგარეთის, უნგრეთის, მოლდოვის, სლოვენიის, უკრაინის და სერბეთის მიმართულებებით ტვირთნაკადების ახლებური გადანაწილების ფორმირების შესაძლებლობა მიეცა.
სქემაზე წარმოდგენილია შუა დერეფნის დამაბოლოებელი კონსტანცის ნავსადგურის ტვირთნაკადების გავრცელების არეალი, რომელიც ლურჯი ტონით შემოსაზღვრულ ქვეყნებს აერთიანებს.
ახლებული რეალობის გათვალისწინებით, საქართველოსთვის, როგორც შუა დერეფნის კარიბჭის ფუნქციის მატარებელი სახელმწიფოსთვის, უპირველეს პრიოროტეტულ ამოცანას – კონსტანცის ნავსადგურთან კავშირებადობის გაძლიერების კომპონენტი წარმოადგენს.
პირველ რიგში, მისასალმებელია საქართველოს ნავსადგურებიდან კონსტანცის მიმართულებით, სტაბილური საბორნე ხაზის ფუნქციონირება.
ევროკავშირთან კავშირებადობის გაძლიერებას, ქართული სანაოსნო კომპანია E 60 Shipping Line ი – ქართული დროშით და ორი საკუთარი საბორნე გემით უზრუნველყობს.
2025 წლიდან ფოთი – კონსტანცას მიმართულებით ახალი RORO/PAX ის ტიპის ქართული ბორანი Dioscuria სტაბილურად ოპერირებს.
ბორანი 250 მგზავრზე და 80 სატრნანსპორტო საშუალებაზეა გათვლილი. გემს დამატებით გააჩნია შესაძლებლობა გემბანზე მიიღოს და განათავსოს პალეტიზირებული ტვირთები.
ფოთიდან – კონსტანცამდე ჩასასვლელად საბორნე გემს 40 საათი ესჭიროება, ამ დროის განმავლობაში, მგზავრებს და მძღოლებს შესაძლებლობა აქვთ განთავსდნენ კომფორტულ კაიუტებში და ისარგებლონ ბორტზე არსებული რესტორნით, ბარით, გასართობი სივრცით და Duty Free მაღაზიით.
ფოთი – კონსტანცას მიმართულებით, ქართულ ბორან Dioscuria ს კონკურენტულ პირობებში მოუწევს ოპერირება, ამავე მიმართულებით სულ ახლახან ფუნქციონირება დაიწყო უკრაინულმა სანაოსნო კომპანია Ukrferry იმ, რომელმაც ექსპლუატაციაში გაუშვა აანალოგიური ტექნიკური პარამეტრების საბორნე გემი – GOTHICA.
ევროკავშირთან კავშირებადობის გაძლიერება და ქართული დროშით მცურავი გემებისათვის დამატებითი საგადასახადო პრეფერენციების მინიჭება, უდაოდ მნიშვნელოვანია კონკურენციის სტიმულირებისათვის, აღნიშნული კომპონენტი კი სახელმწიფოს პრეროგატივას წარმოადგენს.
დასკვნის სახით – ტვირთნაკადების ღერძის კონსტანცის ნავსადგურის მიმართულებით გადანაცვლებამ, შუა დერეფანს – ცენტრალურ და აღმოსავლეთ ევროპაში ტვირთების გავრცელების არეალის გაფართოების შესაძლებლობა მისცა, რაც საქართველოს ევროპულ სივრცეში ინტეგრირების მიზნით საბორნე გადაზიდვების კავშირებადობის გაძლიერებისკენ უბიძგებს.
