შუა დერეფანის გასწვრივ აქტიურად მიმდინარეობს ახალი საკონტეინერო სიმძლავრეების ექსპლუატაციაში გაშვების პროცესი, სულ ახლახანს თბილისსა და ფოთში ამოქმედებულ საკონტეინერო ტერმინალებს 10 ივნისს ალმაათაში 115 ათას TEU ზე გათვლილი ZHETYSU ს საკონტეინერო ტერმინალი შეემატა.
საკონტეინერო ტერმინალების დერეფნის მთელ სიგრძეზე სინქრონული ამოქმედება, გამორიცხავს „ვიწრო ადგილების“ წარმოშობას და უზრუნველყოფს ჩინეთიდან ცენტრალური აზიის გავლით საქართველოს ნავსადგურებისკენ ბლოკმატარებლებით გაზრდილი საკონტეინერო ნაკადის უსაფრთხო და შეუფერხებელ მიწოდებას.
ალმაატის ZHETYSU ს საკონტეინერო ტერმინალის პროექტი ყაზახეთის რკინიგზის შვილობილი – უმსხვილესი ლოგისტიკური ოპერატორის Kedentransservice ის და ჩინეთის სიანის მშრალი პორტის ერთობლივი ძალისხმევით განხორციელდა. საკონტეინერო ტერმინალს ორმაგი დასახელება გააჩნია – სიან – ჟეტესუს ტერმინალი.
ახლად გახსნილი ტერმინალი ყაზახეთში ტვირთნაკადების შემკრებ – გამანაწილებელ ლოგისტიკური ჰაბის ფუნქციას შეასრულებს და ძირითადად ორიენტირებული იქნება ჩინეთიდან იმპორტირებული ტვირთების დამუშავებაზე.
ტერმინალის ინფრასტრუქტურა ადაპტირებულია მულტიმოდალური ტრანსპორტირებისთვის, მათ შორის რკინიგზისა და საავტომობილო ტრანსპორტისთვის.
საკონტეინერო ტერმინალს 9.8 ჰექტარი ფართობი უკავია, საკონტეინერო მოედანი 1100 ერთელ კონტეინერის ერთდროული შენახვისთვისაა განკუთვნილი.
ტერმინალის საზეიმო გახსნის დღეს, ჩინეთის ტერმინალ სიანიდან სიმბოლურად, პირველი საკონტეინერო ბლოკმატარებელი ZHETYSU ს ტერმინალში გაიგზავნა.
ყაზახურ საინფორმაციო წყაროებზე დაყრდნობით – საერთაშორისო დერეფნების გზაჯვარედინზე მდებარე ZHETYSU ს საკონტეინერო ტერმინალს ყაზახეთსა და ცენტრალურ აზიაში სტრატეგიულ ლოჯისტიკურ ცენტრად გადაქცევის პერსპექტივა გააჩნია.
გასათვალისწინებელია ის გარემოება, რომ ალმაატის საკონტეინერო ტერმინალის ZHETYSU ს ფუნქიონირება, პირველ რიგში იგულისხმება, საკონტეინერო ტვირთებით მომარაგება სიანის მშრალ პორტზეა დამოკიდებული.
სიანი – ჩინეთის უდიდესი მშრალი პორტი და მნიშვნელოვანი სატრანზიტო კვანძია, ევროპისკენ მიმავალი საკონტეინერო ბლოკმატარებლების 30 % ის დახარისხება – ფორმირება სიანის ტერმინალში ხორციელდება.
სიანის ტერმინალის გამტარუნარიანობა წელიწადში 133 ათას TEU ს შეადგენს,
აღსანიშნავია, რომ 2024 წლის თებერვალში სიანის ტერმინალის ექსპლუატაციაში გაშვების შემდეგ, შუა დერეფნით კონტეინერების გადაზიდვების მოცულობა 33 ჯერ გაიზარდა.
წინასწარი მონაცემებით 2025 წელს საკონტეინერო გადაზიდვები სიანის მშრალი პორტის გავლით კიდევ უფრო გაიზრდება.
2024 წელს სიანის ჰაბიდან, შუა დერეფნით 23 ათასი TEU გაიგზავნა, მხოლოდ 2025 წლის იანვარ – აპრილში სიანში დამუშავდა და გაიგზავნა 10 ათასი TEU, თითქმის წინა წელს გაგზავნილი კონტეინერების ნახევარი.
საპროგნოზო გათვლებით, 2030 წლისთვის სიანის ტერმინალიდან შუა დერეფნის მიმართულებით გაგზავნილი კონტეინერების მაჩვენებელი წელიწადში 80 ათას TEU ს მიაღწევს.
დასკვნის სახით – შუა დერეფნის გასწვრივ, აქტიურად მიმდინარე ახალი საკონტეინერო სიმძლავრეების ფორმირების პროცესი გამორიცხავს „ვიწრო ადგილების“ წარმოშობას და უზრუნველყოფს ჩინეთიდან ცენტრალური აზიის გავლით საქართველოს ნავსადგურებისკენ ბლოკმატარებლებით საკონტეინერო ნაკადის უსაფრთხოდ და შეუფერხებლად მიწოდებას.
