თბილისში გამართულმა „მულტიმოდალურ ტრანსპორტის და ტრანზიტის ფორუმმა“ შუა დერეფნის პრობლემები და განვითარების ასპექტები გააშუქა

3–4 დეკემბერს, თბილისში, სასტუმრო შერატონ მეტეხი პალასში, „მულტიმოდალური ტრანსპორტი და ტრანზიტის ფორუმი“ გაიმართა.

თბილისში გამართული ფორუმი ძირითადად შუა დერეფნის გამოწვევებს და განვითარების ასპექტებს დაეთმო.

გამომსვლელებმა საკუთარ პრეზენტაციებში მნიშვნელოვანი ადგილი დაუთმეს შავი ზღვის არეში დიჯიტალიზაციის საკითხებს, საქართველოს როგორც ლოგისტიკური ჰაბის უპირატესობებს, საქართველოს სატრანსპორტო სისტემის ცენტრალურ აზიასთან კავშირებადობის თემებს.

ფორუმზე წარმოდგენილნი იყვნენ სხვადასხვა სატრანსპორტო ქსელების, პორტებისა და ტერმინალების ხელმძღვანელები, რომლებმაც შესაძლებლობა მიეცათ წარმოეჩინათ საკუთარი სატრანსპორტო ინფრასტრუქტურა და ესაუბრათ როგორც შუა დერეფანში, ასევე რეგიონის მასშტაბით ინფრასტრუქტურის როლზე გადაზიდვების მნიშვნელობაზე.

გამოსაყოფია „თბილისი დრაი პორტის“, კონსტანცის ნავსადგურის, ასევე ბელგოროდ-დნესტროვსკის (უკრაინა) ნავსადგურის წარმომადგენელთა გამოსვლები.

კონფერენციაზე სიტყვით გამოვიდა სატრანსპორტო დერეფნის კვლევის ცენტრის ხელმძღვანელი პაატა ცაგარეიშვილი, რომელმაც საკუთარ მოხსენებაში „შუა დერეფნის გასწვრივ სატრანსპორტო ნაკადები“ აქცენტი გააკეთა დერეფნის მთელ სიგრძეზე გადაზიდვების და ინფრასტრუქტურის პრობლემებზე და მიმდინარე პროექტებზე.