საქართველოზე გამავალი შუა დერეფნის ფორმირების პროცესში საქართველოს ტექნიკური უნივერსიტეტის შერწყმა სხვა უნივერსიტეტთან დაუშვებელია
საქართველოზე გამავალი შუა დერეფანი წარმოადგენს ქვეყნის განვითარების უმთავრეს პრიორიტეტს. საქართველომ, როგორც სტრატეგიული სატრანსპორტო-ლოგისტიკური ფუნქციის მქონე ქვეყანამ, უნდა უზრუნველყოს სატრანსპორტო ნაკადების სისწრაფე, უსაფრთხოება და ეფექტიანობა.
ქვეყნის სატრანსპორტო – ლოგისტიკური ინფრასტრუქტურა უზრუნველყოფს საერთაშორისო სატრანსპორტო ნაკადების უწყვეტ მოძრაობას და დაკავშირებადობას საერთაშორისო სატრანსპორტო სისტემებთან.
ბუნებრივია, ასეთი მნიშვნელოვანი ფუნქციის სრულფასოვნად განხორციელება შესაძლებელია მხოლოდ მაღალკვალიფიციური და კონკურენტუნარიანი საინჟინრო და სამეცნიერო კადრების არსებობის პირობებში. საქართველოში ასეთი კვალიფიკაციის კადრების მომზადებას მხოლოდ საქართველოს ტექნიკური უნივერსიტეტი (“გპი”) უზრუნველყოფს.
ხაზგასასმელია, რომ საქართველოს ტექნიკური უნივერსიტეტის იდენტობა, რომლის ისტორია 104 წელს ითვლის, არის ასეთი კადრების მომზადების გარანტი. ასევე, ტექნიკური უნივერსიტეტის იდენტობა გადამწყვეტი ფაქტორია საერთაშორისო სამეცნიერო და ბიზნეს წრეებთან ურთიერთობებში.
საქართველოს ტექნიკური უნივერსიტეტი სატრანსპორტო დარგში ძირითადი უმაღლესი სასწავლებელია, თუმცა მივიჩნევთ, რომ უნივერსიტეტში სწავლების ხარისხი გასაუმჯობესებელია და გასაძლიერებელია ტექნიკური სამეცნიერო-კვლევითი საქმიანობა. აღნიშნული მიიღწევა ეფექტიანი რეფორმებით, მაგრამ არა თვისობრივად განსხვავებული მიმართულებების მქონე უნივერსიტეტების შერწყმით.
საინიციატივო ჯგუფი (ასმათ აბესაძე, პაატა ცაგარეიშვილი, ელიზბარ დარჩიაშვილი, ლევან ლომსაძე) აცხადებს, რომ საქართველოსტექნიკურიუნივერსიტეტისშერწყმადაუშვებელია. მსგავსიგადაწყვეტილებაშეაფერხებს საქართველოში შუადერეფნისშემდგომ განვითარებას.
