ბოლო 15 წელიწადში საქართველოში ადგილობრივი ნავთობის წლიური მოპოვება განახევრებულია
მოპოვებული ნედლი ნავთობი შეადგენს წლიური მოხმარების მხოლოდ 3% ს
ადგილობრივი ნავთობის მოპოვება უმნიშვნელოა, შესაბამისად ქვეყნის თვითუზრუნველყოფა დაბალია, კერძოდ, საქართველო ბოლო 10 წლის განმავლობაში, წლიურად საშუალოდ 1.2 მლნ ტონა საწვავს (დიზელი და ბენზინი) მოიხმარს. ადგილობრივი მოპოვება მოთხოვნის 3 % შეადგენს, იმის გათვალისწინებით, რომ მოპოვების შემთხვევაში ნედლ ნავთობზეა საუბარი.
გადამუშავების გარეშე, ნედლი ნავთობი არ მოიხმარება, ქვეყანაში, გარკვეული გამონაკლისით, ნავთობგადამამუშავებელი ქარხნის არარსებობის გამო, მცირე ოდენობით მოპოვებული ნავთობიც, ნედლეულის სახით მთლიანად ექსპორტზე გადის. ბენზინი, დიზელი, საავიაციო ნავთი, მაზუთი და სხვა საბოლოო ნავთობპროდუქტები სრულად იმპორტირებულია.
2017 – 2024 წლებში ადგილობრივი ნავთობის მოპოვება 30 – 40 ათასი ტონის ფარგლებში მერყეობდა, ნავთობის მოპოვების ბოლო 15 წლიან მონაცემებს თუ გავაანალიზებთ (იხ. დიაგრამა), 2009 წლიდან – მოპოვება შეადგენდა 58 ათას ტონას, იწყება ნავთობის მოპოვების კლება და 2017 წელს მოპოვებამ მიაღწია მინიმუმს – 28 ათას ტონას. რალურად, ბოლო 15 წელიწადში მოპოვება განახევრდა.
ბოლო წლებში ნინოწმინდის ნავთობის საბადოზე მოპოვების თვალსაზრისით, არაფერი არ შეცვლილა, მოპოვება კვლავ მინიმალურ მაჩვენებელზეა.
პერსპექტივები არსებობს დასავლეთ რუსთავის საბადოს მეზობლად მდებარე სამგორი – პატარძეულისა და თელეთის საბადოებზე, სადაც ძველ ჭაბურღილებში დაგეგმილია ჰორიზონტალური, ულტრა მოკლე რადიუსით ბურღვა, სამგანზომილებიანი სეისმო-საძიებო და მაგნიტურ-გეოფიზიკური კვლევების უზრუნველყოფა. ამ ეტაპზე მნიშვნელოვანია, წელიწადში ნავთობის 40 ათას ტონიან ნიშნულზე დაბრუნება.
საქართველოში ნავთობის ძებნა – ძიებისა და მოპოვების საქმიანობას სახელმწიფოსთან გაფორმებული პროდუქციის წილობრივი განაწილების საფუძველზე საერთაშორისო ტენდერებით შერჩეული ინვესტორი კომპანიები ახორციელებენ.
2023 წელს მოპოვებული ნავთობის 35 ათასი ტონიდან, 13 ათასი ტონა მიეკუთვნება სახელმწიფოს, 22 ათასი ტონა – ინვესტორს.
ნავთობის მოპოვების თვალსაზრისით, საქართველოს ცნობადობა როგორც ინვესტორებისთვის დღეს დაბალია. ამასთან ინვესტორებისთის მიმზიდველი ინფორმაცია ნაკლებად ხელმისაწვდომია.
ნავთობის პირველადი დამუშავების დასაწყობება – რეალიზაციის ინფრასტრუქტურის მოწყობა – ქვეყნის ენერგეტიკული სტაბილურობისთვის, პრიორიტეტულს წარმოადგებს, აიცილებელია ნავთობის პირველადი დამუშავების ობიექტების მოდერნიზაცია, რაც ითვალისწინებს კერძო ინვესტორებისა და სახელმწიფო კორპორაციის მიერ ქვეყნის ტერიტორიაზე ნავთობმომპოვებელი საბადოებიდან ნავთობის დასაწყობება – რეალიზაციისთვის თანმდები ინფრასტრუქტურის მოწყობას. აქცენტი გადატანილი იქნება, 15 ჰ ტერიტორიაზე განთავსებულ, ვაზიანის ნავთობის პირველადი დამუშავების ობიექტზე.
