საომარ პირობებში, 2024 წლის შედეგების მიხედვით უკრაინის ნავსადგურებმა ჯამურად 97 მლნ ტონა ტვირთი გადაამუშავეს, აღნიშნული მაჩვენებელი 57% ით აღემატება 2023 წლის ტვირთბრუნვას, როდესაც უკრაინის ნავსადგურებმა 62 მლნ ტონა გადაამუშავეს.
შედარებისათვის, რუსეთის უკრაინაში სრულმასშტაბიან შეჭრამდე, 2021 წელს უკრაინის ნავსადგურების ჯამური ტვირთბრუნვა 153.3 მლნ ტონას შეადგენდა, 2020 წელს – 159.1 მლნ ტონას.
უკრაინის ნავსადგურების ტვირთბრუნვის ზრდაში, განსაკუთრებით გამოსაყოფია, დუნაის აუზის ნავსადგურების კლასტერი, რომლებმაც საერთაშორისო პარტნიორების დახმარებით, ტვირთების დაუბრკოლებლივ ტრანსპორტირებისათვის შექმნეს ალტერნატიული სასურსათო დერეფანი.
განსაკუთრებით გამოსაყოფია კონსტანცის ნავსადგური, სადაც 2025 წელს ხორბლის ტერმინალის გასაფართოებლად 23 მლნ ევროს ინვესტიცია ჩაიდება, აღნიშნულ ტერმინალში მოხდება უკრაინული ხორბლის დროებითი დასაწყობება.
კონსტანცის ტერმინალის ხორბლის საცავების არსებული სიმძლავრე – 110 ათასი ტონიდან 180 ათას ტონამდე გაიზრდება.
კონსტანცის ნავსადგურის ახალ ტერმინალს შესაძლებლობა ექნება, უკრაინიდან მცირე ბარჟების საშუალებით მიიღოს საათში 350 ტონა ხორბალი და გადატვირთოს დიდი მოცულობის გემებში საატში 800 დან 1000 ტონამდე ხორბალი.
კონსტანცის ნავსადგურის ხორბლის ტერმინალის გაფართოების სამუშაოები 2025 წელს დაიწყება და 2026 წელს დასრულდება.
