ბოლო პერიოდში ჩინეთ – ყაზახეთის საზღვარზე ტვირთბრუნვის საფეხურებრივი ზრდა, ყაზახეთს უბიძგებს ფინანსური სახსრები მიმართოს საკუთარ ტეროტორიაზე სატრანსპორტო დერეფნების გამტარუნარიანობის გაზრდისკენ. ამ მიზნით ყაზახეთი ინტენსიურად ახორციელებს ჩინეთთან დამაკავშირებელი სარკინიგზო მაგისტრალის მოდერნიზაციას.
ჩინეთ – ყაზახეთის საზღვარზე, ხორგოსის მშრალი ტერმინალის ექსპლუატაციაში გაშვებამ მყისეურად გაზარდა ტვირთბრუნვა, ზოგადი სტატისტიკა ასეთია, 2021 წელი – ჩინეთ – ყაზახეთის საზღვარზე ჯამურმა ტვირთბრუნვამ 16.0 მლნ ტონა შეადგინა, 2022 წელი – 17.6 მლნ ტონა, 2023 წელი – 28.0 მლნ ტონა, 2024 წელი – 31.8 მლნ ტონა.
ყაზახეთის ტერიტორიაზე საკვანძო ინფრასტრუქტურულ პროქტებს შორის გამოსაყოფია, დოსტიკ – მოუნტის 836 კმ სიგრძის უბანზე მეორე ლიანდაგის მოწყობა, რომელიც 5 ჯერ გაზრდის ჩინეთთან დამაკავშიებელი ქსელის გამტარუნარიანობას (იხ სქემა).
დოსტიკ – მოუნტის უბანზე მეორე ლიანდაგების დაგება, უზრუნველყოფს ქვეყნის საექსპორტო და სატრანზიტო პოტენციალის ზრდას, აღნიშნულ უბანზე სამუშაობი ინტენსიურად მიმდინარეობს, მეორე ლიანდაგის 75% დაგებულია, მაგისტრალის ექსპლუატაციაში გაშვება 2025 წელსაა ნავარაუდევი (იხ ფოტო).
დასკვნის სახით – შუა დერეფნის კონკურენტუნარიანობა მნიშვნელოვნაა დამოკიდებული, დერეფნის მთელ სიგრძეზე არსებული ინფრასტრუქტურის სინქრონულ განვითარებაზე. გამტარუნარიანობას განსაზღვრავს, ნავსადგურებში როგორც ახალი ტერმინალების სიმძლავრეების გაზრდა და საზღვაო ფლოტის დამატება, ასევე სარკინიგზო და საავტომობილო მაგისტრალების მოდერნიზაცია.
